ఈ పుట అచ్చుదిద్దబడ్డది
రేకు: 0345-2 మంగళకౌశిక సంపుటం: 11-266
పల్లవి: చెలులాల మీరె యింత సేసితె రిద్దరి నేఁడు
కలయనిమాసటీలఁ గదియింతురా
చ. 1: తక్కరీఁ డంటిఁ గదవే దంట వీఁ డంటిఁ గదవే
అక్కడికతలే చెప్పీ నంటిఁ గదవే
యెక్కువ నాతో నాడేదె మాఁటకె మాఁట
యిక్కడికి వచ్చు టెల్ల యిందుకొరకా
చ. 2: చలమరి యంటిఁ గదే చల్లజం పంటిఁ గదవే
అలపు సొలపె ఘన మంటిఁ గదవే
తలవాకిటనె వుండి తనకు నా కేఁటి పొందే
వలపు నామీఁదఁ జల్లేవరుసా యిది
చ. 3: వేసదారి యంటిఁ గదె వేగిరకాఁ డంటిఁ గదే
ఆసలు చూపిన లో నౌ నంటిఁ గదవే
బాసతో శ్రీవెంకటాదిపతి నిన్ను నిటు గూడె
మోస మెల్లఁ దీరె నింక మొక్కెంచేరా