ఈ పుట అచ్చుదిద్దబడ్డది
రేకు: 0345-1 ముఖారి సంపుటం: 11-265
పల్లవి: ఊరకున్న నన్ను నేల వుడికించ వచ్చేవు
చేరి నీకు యెంత పగ సేసితినో కాని
చ. 1: కొంగు వట్టి తియ్యకుర కూచున్న దాని నన్ను
వుంగిటే నే రా నోప నొళ్లు నొచ్చీని
యింగితాన నన్నుఁ జూచి యించుకంత దయ లేవు
సంగడి నే నెంత పాపజాతినో కాని
చ. 2: బలిమి శాయకురా పలుకఁగ నోప నీతో
లలి నామనసు వొకలా గయ్యీని
తలఁపు నీ వెరిఁగియు తతిగొని పోరేవు
యెలమి నే నేఁటిజన్న మెత్తితినో కాని
చ. 3: కాఁగిలించి పట్టకురా కమ్మటి యిట్టె పొంది
వీగి నిన్నుఁ బాయ నోప వేస టయ్యీని
దాఁగక శ్రీవెంకటేశ తగ నన్నుఁ గూడితిని
రాఁగి యెంత భాగ్యవంతురాలనో కాని
