ఈ పుట అచ్చుదిద్దబడ్డది
రేకు: 0344-6 రామక్రియ సంపుటం: 11-264
పల్లవి: చెప్పకునే నాతోడ చేరి నీసుద్దులు నేఁడు
కప్పిన నీ నేరు పెల్లాఁ గలది నాతోనా
చ. 1: కానీ లేవె నే నతనిఁ గరఁగించ లే కుండితే
నానఁ బెట్టి కొంత నీవు నవ్వుదు గాని
పోనీ వూరకుండే యేపొద్దుదాఁకఁ గెలసేవు
దాని కేమి నీ యాఁటదానితన మిందుకా
చ. 2: కొంత సయించవె పతి కొరత దీరుచ కుండితే
చెంతల నప్పుడె సంతంసింతువు గాని
పంతము లిప్పు డేఁటికె పని గలప్పుడే కాక
యింత నంతటఁ బడెనా యిల జాణతనము
చ. 3: యిట్టె వోరుచు కుండవె యీతని రతిఁ జిక్కితే
వట్టి సట నీవు దోడై వత్తువు గాని
గట్టిగ శ్రీవెంకటాద్రి ఘనుఁ డిట్టె నన్ను గూడె
పట్టినచలము నీకు బందె దెచ్చీనా