ఈ పుట అచ్చుదిద్దబడ్డది
రేకు: 0344-5 లలిత సంపుటం: 11-263
పల్లవి: నీవేడ నే నేడ నేఁడు సిగ్గు వడఁ గాక
భావించి నీకొంగు వట్టెబలువు నా కున్నదా
చ. 1: నిగిడి పదారువేలు నెలఁతలు గల నీకు
జగతి నింకా సతులు సర కయ్యేరా
వగలతో నెరఁగక వలచినదాన నై
జిగి నా మగండ వంటాఁ జెప్పకోనేఁగాక
చ. 2: తొరలి సీత నడవిఁ దోసి రప్పించిననీకు
తరుణులమీఁదఁ గొంత దయ వున్నదా
గరిమి నీ భ్రమఁ బడి గతి లేనిదాన నై
పరులు చూడఁగ నీ పాద మొత్తేఁ గాక
చ. 3: తొడపై శ్రీసతిఁ బెట్టి దొడ్డకొలు వున్ననీకు
తడవి నాపొందు లింకాఁ దల పయ్యీనా
యెడయక శ్రీవెంకటేశ కూడినదాననై
బడి వాయక నీవొద్ద బతికితిఁ గాక
