ఈ పుట అచ్చుదిద్దబడ్డది
రేకు: 0344-4 ముఖారి సంపుటం: 11-262
పల్లవి: ఇన్నిటా దొరవు నీవు యింత సేతురా
చన్ను లంటే విదె నీకు చల మాయఁగా
చ. 1: చెఱఁగు మాసినవేళ చేరి ముట్ట వచ్చేవు
కొఱ తంటా వద్దంటేఁ గోపగించేవు
మెఱసీ తొల్లిటి దోసమె నేఁ గురియఁగాను
నెఱి నిది యిప్పుడె నీకు బాఁ తాయఁగా
చ. 2: యింట నే భోఁసేనేవేళ యెంగిలి ముట్ట వచ్చేవు
అంటకు మన్నంతలోనె అలిగేవు
వెంటనె నా నోటనుండి వేమారు జిందఁగాను
జంటల నీ కదియున సర కాయఁగా
చ. 3: జలక మాడెటివేళ సంగడికి వచ్చేవు
తొల మంటే కాఁగిలించి దొమ్మి సేసేవు
మలసి శ్రీవెంకటేశ మలినముఁ బాయఁగాను
తిలకించే వది నీకు దిష్ట మాయఁగా