ఈ పుట అచ్చుదిద్దబడ్డది
రేకు: 0344-3 మలహరి సంపుటం: 11-261
పల్లవి: నీవే యెరుఁగుదు వింతే నీచిత్తము
యీవేళ నే నోరిచితి యింకా నీచిత్తము
చ. 1: చెంతల నవ్వ వచ్చేవు చెయి వట్టి పెనఁగేవు
అంతటి కోపితేఁ జాలు నైతే నీచిత్తము
యింతటిదొర వంటాను యేమి ననఁ జాలు నింతె
యెంత కెంత వెరచెనా యింకా నీ చిత్తము
చ. 2: కప్పురము చల్లేవు కాలు మీఁద వేసేవు
అప్పటి పంతా లాడే వైతే నీచిత్తము
యిప్పుడే నీకు మొక్కితి నిందరును జూడగాను
యెప్పుడు నన్నెరఁగవా యింకా నీచిత్తము
చ. 3: బెట్టి కాఁగిలించేవు పిప్పి సేసేవు నామోవి
అట్టె కానీ లేర అయితే నీ చిత్తము
నెట్టన శ్రీవెంకటేశ నేఁడె నన్నుఁ గూడితివి
యిట్టైతేనేఁ గా దనేనా యింకా నీ చిత్తము