ఈ పుట అచ్చుదిద్దబడ్డది
రేకు: 0344-2 దేశాక్షి సంపుటం: 11-260
పల్లవి: పని గలప్పుడు వచ్చి పలికేఁ గాని
వొరి నీ యింటిలోనె వుండేరా నేను
చ. 1: చిత్తము వచ్చినవేళ చేర వచ్చేఁ గాని నేను
అత్తి యందాఁక లోని కంపరా నన్ను
కత్తిఁ గోసిన ట్టయీఁ గడు నీమాఁటలు వింటే
వొత్తిలి దవ్వుల నైన వుండేరా నేను
చ. 2: నిక్కెము నే నాల నై నీతో నవ్వేఁ గాని
యిక్కువఁ దలవంచుకో నియ్యరా నన్ను
ముక్కు వట్టినట్లయినా మోహము నీవు చల్లితే
వొక్క నీసేవ సీసుక వుండేరా నేను
చ. 3: వలసినప్పుడె నీవద్ద గూచుండేఁ గాని
యిల నందాఁక నలుగు నియ్యరా నన్ను
బలిమి శ్రీవెంకటేశ పట్టి నన్నుఁ గూడితివి
వొలిసే నీతలఁపులోన వుండేరా నేను
