ఈ పుట అచ్చుదిద్దబడ్డది
రేకు: 0344-1 లలిత సంపుటం: 11-259
పల్లవి: కపటము మాన వైతి కలకాలము
ఉపమ లింతేసి యాపె కున్నవా మొదలను
చ. 1: యే మని చెప్పెంపితివో యింతితో యేకతమున
ఆమాఁట వింటానె ఆకె వచ్చెను
నీమతకమె కాఁబోలు నేఁడు నాతో జగడించీ
యీ మగుమాకు నిన్నాళ్లు యింత బలు వున్నదా
చ. 2: సన్న యేమి సేసితివో సరి నాపెమోము చూచి
పన్ని నీ సంగడి వచ్చి పవ్వళించెను
కన్నెకు నీ యప్పణి కాఁబోలు నన్ను గద్దించీ
యెన్నఁడైనా యీపె నాతో యీసడించ వచ్చునా
చ. 3: యెప్పుడు నేరిపితివో యీపెకు నీగుణములు
వొప్పుగ నా కిటు మొక్కి వొక్క టాయను
తప్పు దీరఁ గూడితివి దగ్గరి శ్రీవెంకటేశ
మెప్పించితి నీవు నన్ను మే లిం తెరుఁగునా
