ఈ పుట అచ్చుదిద్దబడ్డది
రేకు: 0343-6 సామంతం సంపుటం: 11-258
పల్లవి: తుదను దాఁచఁగ రాదు తోడ దిష్ట మై వుండఁగ
మది మది యి ట్లైతి మగఁ డూర లేఁడూ
చ. 1: యిందరితో నీ మాఁట యే మని చెప్పుదు నమ్మ
చెంది యీక్రిష్ణుఁడు చీర చిక్కించెను
అందము సేసుక నేను అణఁచుక వుండే నంటే
మంద నున్నాఁ డిదె నామగఁ డూర లేఁడూ
చ. 2: మంచిన మాయింటివారి మొగ మెట్టు చూతు నమ్మ
పెంచిన క్రిష్ణునికిఁ గా బిడ్డఁ గంటివి
పొంచి లోనఁ బెట్టుకొంటే పొరుగిరుగుల నింద
మంచి దాయ బొంకే నంటే మగఁ డూర లేఁడూ
చ. 3: వెనక చుట్టాలతోడ వియ్య మెట్టందుదు నమ్మ
యెనసి శ్రీవెంకటేశుఁడింట నున్నాఁడు
పనివడి నేఁడు వచ్చి భ్రమసి చూచీ నదె
మనికై యీన్నాళ్లదాఁక మగఁ డూర లేఁడూ
