ఈ పుట అచ్చుదిద్దబడ్డది
రేకు: 0343-5 నాగవరాళి సంపుటం: 11-257
పల్లవి: ఎంత చెల్లుబడి నీకు యెవ్వ రిచ్చి రోరి నీకు
చెంత దొరతనము చెప్పి చూపేవా
చ. 1: మౌనముతో నుండఁగాను మాఁట లాడించ వచ్చేవు
నేనాఁటదాన నైతే నేమము లేదా
పూని జలక మాడఁగ బొంచి యాడకు వచ్చేవు
మేనబావ వైనంతనే మేర మీరేవా
చ. 2: మోము వంచుకుండఁగానెమొక్కులు మొక్క వచ్చేవు
బాముతో జవ్వను లైతే బలవు లేదా
నోము నోమఁగానె చెక్కు నొక్కి రతికిఁ దీసేవు
యేమిరా నీపొరు గైతే నింత సేసేవా
చ. 3: మంచముపై నుండఁగానె మరి కాఁగిలించేవు
అంచె నీవొద్దనుంటే అడ్డము లేదా
యెంచఁగానె శ్రీవెంకటేశ నన్నుఁ గూడితివి
కంచము పొత్తున నుంటే కాఁక రేఁచేవా
