ఈ పుట అచ్చుదిద్దబడ్డది
రేకు: 0343-3 ఆహిరి సంపుటం: 11-255
పల్లవి: ఏమి చూచేవు నావంక యిం దేమైన తప్పు గద్దో
ప్రేమము నీ కొప్పంచితి బిగు వింక నేలా
చ. 1: నిక్కి నా విరహము నీకు మే లైతేఁ జాలు
ముక్క వోయి నా మోహములోన
వొక్కరి కైన సెలవు వున్నదిగా యీ బదుకు
చక్కని వో రమణుఁడ చాలదా యీజన్మము
చ. 2: చింతతోడ నే నుండేది సెలవు నీ కైతేఁ జాలు
పంతము దప్పెనా నాబలువుకును
వంతు వాసి కెక్కఁగా నావగ పోకచోట నైన
సంత మైన నాయకుఁడ చాలదా నాజన్మము
చ. 3: ఆసలచే వేఁగేది నీ కంత వేడు కైతేఁ జాలు
దోసమా నా సైరణకు దొండి వోయీనా
యీసు లేక శ్రీవెంకటేశుఁడ నన్నుఁ గూడితి
శాసించ నేఁటికి నిన్నుఁ జాలదా నా జన్మము