ఈ పుట అచ్చుదిద్దబడ్డది
రేకు: 0343-2 ధన్నాశి సంపుటం: 11-254
పల్లవి: మోనాన నుందాన వేమే ముని వైతివా
మేనులు సోఁకిన మందెమేళ మైన లేదా
చ. 1: అలిగితే నే మాయ అట్టె వూరకుండ నేల
పలుకుల నైనఁ దూరఁ బాడి గాదా
మలయుచుఁ బోట్లాడే మాసటీలు సయితము
అలరి పగలు చాటే రది యైన లేదా
చ. 2: రా కుండితే నే మాయ రతి నాపై నెరపి
దాకొని చెప్పంప నైనఁ దగవు గాదా
కాకుగాఁ గొట్లాడేటి కడవారు సయితము
ఆకడఁ జేతులు చాఁతు రదియూ లేదా
చ. 3: పంత మైతే నే మాయ ఫైకొని నే వేఁడుకోగా
అంతట కోపము దీర నైనఁ జెల్లదా
వింతగా శ్రీవెంకటాద్రివిభుఁడ నింతే నేను
యింతలో నన్నుఁ గూడితి యెర వింత లేదా