ఈ పుట అచ్చుదిద్దబడ్డది
రేకు: 0342-6 గౌళ సంపుటం: 11-252
పల్లవి: ఆపెమీఁద మోహ మైతే నౌదువు గాక
మోపుగా నా మీఁద నెపములు వేయ వలెనా
చ. 1: నిన్ను నేమైన నంటినా నేనె తిట్టుకొంటిఁ గాక
కన్ను లెఱ్ఱఁ జేసి నీవె కాఁగి పడేవు
వన్నెల కెందో పొయ్యేవాఁడ వట్టె పోదు గాక
అన్నిటా నాతో నేఁడు అలిగి పోవలెనా
చ. 2: చేరి నిన్ను దొబ్బితి నా చే వట్టకు మంటిఁ గాక
పారి పారి రొమ్ము దట్టి పగ చాటేవు
ఆరీతిఁ బెండ్లాడేవాఁడ వట్టె పెండ్లాడుదు గాక
యీరీతి వాదు వెట్టుక యింత సేయ వలెనా
చ. 3: చెల్ల బో కైకో కుంటినా సిగ్గున నుంటిఁ కాక
వొల్లనె నన్నింత దూరి వోల వేసేవు
కొల్లగా శ్రీవెంకటేశ కూడితిని నన్ను నేఁడు
చిల్లర సతిని నాచేతి కియ్య వలెనా
