ఈ పుట అచ్చుదిద్దబడ్డది
రేకు: 0342-5 రామక్రియ సంపుటం: 11-251
పల్లవి: ఊరకున్నఁ బోనీవు వొక టొకటే రేఁచేవు
గోర గీరితే నే రౌ మాకూటమి కోపుదువా
చ. 1: చిగురుఁగెమ్మో సోఁకఁ జేరి నే మాడెటిమాఁట
వొగరు లై తోఁచు నందు కోపుదువా
పొగరుతమ్మికన్నుల పూఁచి నేఁజూచెటిచూపు
నిగుడునమ్ము లై తోఁచు నీ వోపుదువా
చ. 2: కొండలవంటి చన్నులు కోరి నిన్నుఁ దాఁకించితే
వుం డుండె కుమ్మెలు వోవు నోపుదువా
బండివంటి మాపిరుఁదు బడి నీకుఁ దగిలితే
అండ నీపైఁ బారుఁ జేసు నందు కోపుదువా
చ. 3: చల్లు మావూరుపుగాలి సమరతివేళల
వుల్ల మెల్లఁ జిందు సేసు నోపుదువా
యెల్లగా శ్రీవెంకటేశ యిట్టె నన్నుఁ గూడితివి
పెల్లు రేఁగి నేఁడు నాతోఁ బెనఁగ నోపుదువా