ఈ పుట అచ్చుదిద్దబడ్డది
రేకు: 0342-3 నాదరామక్రియ సంపుటం: 11-249
పల్లవి: మగవారి కేఁటి మేలు మరతురు వేగిరమే
బగివాయ కుండఁగానె పరా కె ట్టైతివిరా
చ. 1: ఆకె విలిచీ నంటా నట్టె విచ్చేసేవు గాని
పైకొని మా యింటికి రాఁ బాపమా నీకు
యీకడ నేఁ జూడఁగానె యించుకంత దయ లేక
కైకొని తోసి విచ్చేయఁ గాళ్లెట్లాడెరా
చ. 2: అల్లది వచ్చీ నంటా అక్కడ చూచేవు గాని
వొల్లనె మామొగ మైతే వొచ్చమా నీకు
తొల్లిటిదాననె నీతొడమీఁదఁ బండుండఁగ
మల్లడి యంతదవ్వు నీ మన సెట్టు వారెరా
చ. 3: మంతన మది యాడఁగ మరిఁ జె వొగ్గేవు గాని
కొంత నామాట వింటే కొరతా నీవు
చెంతల శ్రీవేంకటేశ చెప్పఁగా నన్నుఁ గూడితి
వంతలోనె నీగుణము అ దెట్టు దిరిగెరా