ఈ పుట అచ్చుదిద్దబడ్డది
రేకు: 0342-2 హిజ్జిజ్జి సంపుటం: 11-248
పల్లవి: పాప మంటాఁ దనమీఁద బత్తి సేయఁ బోతేను
కొపగించుకొన వచ్చీ కొమ్మలాల చూడరే
చ. 1: అయ్యో యేమే తనకు నే నంటే నెంత సదరమే
కొయ్యగదే ముక్కుననే కోప మున్నది
చయ్యన నెవ్వతెతోనో జగడ మడిచి వచ్చీ
వొయ్యన నేనడిగితే నుడికిపడీని
చ. 2: చెల్ల బో నే నెంత దనచేతికల సత్తినే
పల్లదము దననోరఁ బై పై నున్నది
కెల్లు రేఁగి యాడనో తా గిజి గిజి యై వచ్చీ
కల్లగదె చూడఁ బోతే గదరుకొనీని
చ. 3: మేలు మేలె తన కెంత మిక్కిలి యనాదనే
కీలుకొని బొమ్మల జంకెన లున్నది
వే ళెరిఁగి శ్రీవెంకటవిభుఁడిట్టె నన్నుఁ గూడె
కేలు చాఁచి పెనఁగితే కేరుచు నవ్వీనే
