ఈ పుట అచ్చుదిద్దబడ్డది
రేకు: 0341-6 బౌళి సంపుటం: 11-246
పల్లవి: చూడవే యప్పటినేనే జూటరి నట
జాడలు తాఁ గట్టినపచ్చడమే యెరుఁగు
చ. 1: ముప్పిరిఁ దారా కుండఁగ ముసుఁగు వెట్టుక వుంటి
అప్పటినేనే కల్ల నటవే చూడు
నెప్పునఁ దమవొళ్లిది నేర మందురా యెవ్వరు
తప్పులు సేసిన వెల్లె దయ్య మెరుఁగుఁ గాక
చ. 2: యెయ్యడకో తాఁ బోఁగా నిందుకు రమ్మంటి నింతే
గయ్యాళి నేనే యట కమ్మటిఁ జూడు
నెయ్యమునఁ దనతోడ నిజము నా దేడ కెక్కు
అయ్యో తనవొళ్లికడ మాతుమే యెరుఁగూ
చ. 3: చెంత దాఁ బిలచుదాఁక సిగ్గున నుండితి నింతే
పంతము నాదే యట బలువు చూడు
యింతిరో శ్రీవెంకటేశుఁ డిప్పు డిట్టె నన్నుఁ గూడె
పొంతల తనతగవు పొరు గెల్లా నెరుఁగూ