ఈ పుట అచ్చుదిద్దబడ్డది
రేకు: 0341-5 కేదారగౌళ సంపుటం: 11-245
పల్లవి: నీవే జాణ నందు వాపె నీకంటేఁ గడు జాణ
యేవిదాన నీపంతా లిఁక నీడఁ జెల్లవూ
చ. 1: కలికి పువ్వులచెండు కన్నులనె అద్దుకొంటా
వలపుతో వసివాడు వాడుకొంటాను
అలిగినదిఁ గాక అట్టె కూడినది గాక
మలయుచు చెలులతో మాఁటలాడీ నదివో
చ. 2: పదిమారులును నిమ్మపం డెగర వేసుకొంటా
చెదరినచింతతోఁ జింతించుకొంటా
యెదుట నున్నది గాక యెడసినదిఁ గాక
వొదిగి మలగుపై నొరగీ నదివో
చ. 3: మక్కువ యంతో వడికి మడిచినా కందుకొంటా
అక్కరతో వుస్సు రస్సు రనుకొంటాను
యిక్కు వంటినదిఁ గాక యియ్యకొన్నదిఁ గాక
గక్కన శ్రీవెంకటేశ కాఁగిలించె నదివో