ఈ పుట అచ్చుదిద్దబడ్డది
రేకు: 0341-4 మధ్యమావతి సంపుటం: 11-244
పల్లవి: లేలే యిది యంత లేదు లేమలాల
కాలమందే మన మిది కన్నది గాదా
చ. 1: వల పింత గలవాడు వడి నే నలిగి రాఁగా
పిలిచి మాఁటాడ రాదా ప్రియుఁ డప్పుడే
తలఁచుక తలఁచుక తానేఁ డెవ్వరితోను
బెళకుప్రియాలు చెప్పి బేరి బోకొట్టీనే
చ. 2: తగ వెరిఁగినవాడు తారుకాణించఁగ నాతో
నగవు సేసుక నన్ను నమ్మించ రాదా
సగము సగము గొంకి సత్యము లెవ్వరితోడ
నిగిడించి మొక్కి యేరు నిద్దుర వుచ్చీనే
చ. 3: గక్కనఁ గూడెటివాఁడు కన్నీరు నించఁగాను
అక్కరతో నా వగ పారుచ రాదా
యెక్కు శ్రీవెంకటేశుఁ డిప్పుడుగా నన్నుఁ బొందె
మిక్కిలి చెరువునీళ్ల మేలు వడసీనే
