ఈ పుట అచ్చుదిద్దబడ్డది
రేకు: 0341-3 సాళంగనాట సంపుటం: 11-243
పల్లవి: చాలు నూరకుండవయ్య సడి కేల వచ్చీనో
నాలి నే మోనాన నుంటే నన్నుఁ దడవేవా
చ. 1: ఆడితి నే నొకమాఁట అందిరివలెనె నేను
యీడ నెగ్గైనఁ జేసుకో యిత వైనఁ జేసుకో
వీడె మియ్య నే రాఁగా విందు వెట్టి పగ లాయ
వాడలో నాయింట నుంటే వాదు వెట్టుకొనేవా
చ. 2: మగిడి చూచితి నింతే మగఁడ మంటా నేను
నగినా నగుము కాదాన్నా నన్నుఁ గా దను
వగచితి నీకు నేను వడిఁ జల్ల వేఁ డాయ
మగవాఁడ నై పట్టితే మచ్చరించేవా
చ. 3: పాదము లొత్తితి నింతే బడలి వచ్చితి వంటా
సేదతో వెంగెము నీకు సేవగాఁ గైకొంటివో
ఆదరించి శ్రీవెంకటాధిప నన్నుఁ గూడితి
వేద దీర నే మొక్కితే వీడఁగ నాడేవా
