ఈ పుట అచ్చుదిద్దబడ్డది
రేకు: 0341-2 సామంతం సంపుటం: 11-242
పల్లవి: నావంటి సతులు తననగర నెందరు లేరే
భావమున తనుఁ దలచి బతికే నేనూ
చ. 1: తగుల వలచుటె కాని తప్పు సేయట లేదు
జిగి నేల పిలిచీనె చెప్పఁ గదరే
అగడు నేయఁగ మిమ్ము నంపెనా నేఁ డతఁడు
నగుఁబాటు గాక తనకు నాకుఁ బని యేమే
చ. 2: నవ్వు టొక్కటె కాని ననుపు దొంగిలితేను
రవ్వ నాకడకుఁ దా రా నేఁటికే
వువ్విళ్ల నిది వూరకుండ నే లనుచునా
అవ్విభఁడు చలముకొనె నాఁడుగోల యేలే
చ. 3: యిచ్చ లాడుట గాని యెందు వోతి వన లేదు
పచ్చిగా నా చెరఁగు పట్ట నేలే
అచ్చలాన శ్రీవెంకటాదిపుఁడు నన్నుఁ గూడె
తచ్చన లింతే కాక తానే నేఁ గానా