ఈ పుట అచ్చుదిద్దబడ్డది
రేకు: 0341-1 నాగవరాళి సంపుటం: 11-241
పల్లవి: పొద్దు వోక నీవు నాతో బొంక వచ్చే వింతే కాక
గద్దించి నీ వెట్టుండినఁ గాదు గూడ దనేనా
చ. 1: న న్నొడఁ బరచకుర నమ్మికలు సేయకుర
నిన్నే మయిన నంటినా నీవు గొంకేవు
అన్నిట లోకమువారు ఆడుకొందు రింతే కాక
విన్న నీ సుద్దులు నేను వెల్లవిరి సేసేనా
చ. 2: యింత న న్నుబ్బించకుర యిచ్చకాలు సేయకుర
జంత నై ని న్నిఁక నే సాదించేనా
కాంతుఁడ నీ చుట్టాలు పక్కాలు నమ్మ రింతే కాక
మంతనాన నీపై నింద మరి వేసేనా
చ. 3: గడ్డము వట్టకురా కాఁగిట నించకురా
యెడ్డనై నీమాటకు నే నెదు రాడేనా
వెడ్డు వెట్టి యిట్ల శ్రీవెంకటేశ కూడితివి
దొడ్డదొర వైన నిన్ను దూరు కెక్కించేనా