ఈ పుట అచ్చుదిద్దబడ్డది
రేకు: 0340-5 కాంబోధి సంపుటం: 11-239
పల్లవి: తెలిపించుకొ మ్మననే దేశము వారిచేతనే
కులికి సారెకు నా కొంగేల పట్టీనె
చ. 1: వాడలలో తననింద వడిఁ దేర్చుకొనుఁ గాక
యీడ నన్ను నొట్టు వెట్ట నెంతవాఁడే
ఆడితిఁ బో వెరపా అందరు నాడెటిమాఁట
చూడవె తనకు నింత సులభమా నేను
చ. 2: సారెకు దేవుళ్ల వొద్ద సత్యము నెరపుఁ గాక
వూర కైనా నన్ను ముట్టీ నుండఁ బట్టదా
తారుకాణించెఁ బోవె తగిలితే నిందరిని
వోరుచుకుండితే నూరకుండఁడు గా తాను
చ. 3: తనయింటిలోనఁ దానె తగవులు వెట్టుఁ గాక
విను నా తోవ వచ్చితే వెఱ్ఱివాఁడే
అనఁగానే శ్రీవెంకటాధిపుఁడు ననుఁ గూడె
మన సొక్క టాయ నేఁడు మరఁ గేలె యికను