ఈ పుట అచ్చుదిద్దబడ్డది
రేకు: 0340-4 రామక్రియ సంపుటం: 11-238
పల్లవి: నేరుపరి వవుదువు నీ కే మమ్మ ఆతఁ
డీరానిచనవు లిచ్చె నిఁక నీ కే మమ్మ
చ. 1: మావంటివారికె మన సియ్యఁడు గాక
నీవె ఆతఁడు గావా నీ కే మమ్మ
తోవల నీవును మాతో డట్టె సొలసే వాతఁ
డీవల నీయింట నున్నాఁ డిఁక నీ కే మమ్మా
చ. 2: మే మేమి చెప్పినాను మేరలు మీరుఁ గాక
నీ మాఁట దోయఁడు నీ కే మమ్మ
మోము చూచి మాకు మాకె మొగ మోడితిమి గాక
యేమర వాతని నీవు యిఁక నీకే మమ్మా
చ. 3: వట్టి సట మా కైతె వరుస వం తిచ్చెఁ గాక
నెట్టుకొనె నిన్నతఁడు నీ కే మమ్మ
జట్టిగొని మమ్ముఁ గూడి సారె శ్రీవెంకటపతి
నిట్టె నీవుఁ గూడతిని యిఁక నీ కే మమ్మా
