ఈ పుట అచ్చుదిద్దబడ్డది
రేకు: 0340-2 ముఖారి సంపుటం: 11-236
పల్లవి: జౌనే నీ సుద్దులకు అడ్డము చెప్పఁగ రాదు
కాననియడల కైనఁ గలహలు వుట్టవా
చ. 1: యింటికి వచ్చెఁ జాలదా యేతువ లెత్తఁగ నేల
కంటు లేని దొడ్డవానిఁ గల్ల నేతురా
అంటి ముట్టి యిందు కెల్ల నాతఁడు గాఁగానె కాక
గొంటరి చెలుల కైనఁ గోపములు రేఁగవా
చ. 2: పంత మిచ్చెఁ జాలదా పై ఫై బిగియ నేల
చెంత నీప్రాణవిభునిఁ జిన్నఁ బుత్తురా
అంతే పో నినుబోఁటి కాతఁడే తగుఁ గాక
యంతయు మాకుఁ జూచితే యేవ వుట్టదా
చ. 3: చెక్కు నొక్కెఁ జాలదా చేతఁ దీసి వేయ నేల
దక్కె శ్రీవెంకటేశుఁ దప్పు లెంతురా
నిక్కము నాతఁడు నీవు నేరుచుకొంటిరి గాక
తక్కిన మావంటివారు తగ వందురా
