ఈ పుట అచ్చుదిద్దబడ్డది
రేకు: 0340-1 భైరవి సంపుటం: 11-235
పల్లవి: నవ్వుతా నేఁ దిట్టితేను నయ మిచ్చీనా
జవ్వనపు చల్లజంపు చలమరివాఁడు
చ. 1: మింగినచదువు వోతే మిట్టి మీ నై పడ్డవాఁడు
కుంగినకొండకుఁ దల గుట్టుకొన్నాఁడు
ముంగిట నొకసతిని మోరతోపు సేసినవాఁడు
సంగతిగ నీ పడుచుజగడాలవాఁడు
చ. 2: అడిగెఁడు నేలకుఁ గా నాకస మంటినవాఁడు
గొడవకె తిరిగెటి కోపకాఁడు
అడరి వుత్తమురాలి నగ్గిబాస గొన్నవాఁడు
సడి బెట్టి మేనమామఁ జంపినవాఁడు
చ. 3: చిల్లో యంటే పొల్లో యని సిగ్గు విడిచినవాఁడు
పెల్లు రేఁగి పరువులు పెట్టెడివాఁడు
యిల్లిదె శ్రీవెంకటాద్రి యెక్కి నన్నుఁ గూడె నేఁడు
బల్లిదుఁడై దేవతల పట్ట మేలేవాఁడు