ఈ పుట అచ్చుదిద్దబడ్డది
రేకు: 0339-5 పాడి సంపుటం: 11-233
పల్లవి: చిత్తమునఁ గలయట్టు నేతువు గాని
హత్తి మాకుఁ బని గద్దు అంపవయ్య మమ్మును
చ. 1: విన్నపాలు సేయఁ బట్టె వెంటఁ దిరిగాడఁ బట్టె
నిన్నుఁ బొదుగుచు మాకు నేఁ డెల్లాను
కన్నెవద్ది కేఁగ లేదు కలసుద్ది చెప్ప లేదు
అన్న పనులును నాయ నంపవయ్య మమ్మును
చ. 2: యిచ్చకాలె ఆడఁ బట్టె యియ్యకోలె సేయఁ బట్టె
నెచ్చెలుల మిదె నీతో నేఁ డెల్లాను
వచ్చేది నెరఁగము వడి రాని దెరఁగము
అచ్చుపడెఁ జేఁత లెల్ల నంపవయ్య మమ్మును
చ. 3: తోవ నడవనె పట్టె తోడుక రానె పట్టె
నీవు నేముఁ జేరితిమి నేఁ డెల్లాను
శ్రీవెంకటేశ్వరుఁడ చెలితోడఁ గూడితివి
ఆవల వాకిట నుండే నంపవయ్య మమ్మును
