ఈ పుట అచ్చుదిద్దబడ్డది
రేకు: 0339-4 బౌళిరామక్రియ సంపుటం: 11-232
పల్లవి: అన్నిటా ఘనుఁడు దాను అందు కేఁటిదే
వున్నట్టే చెప్పఁ గదరే వూరకుండ నేలా
చ. 1: చెలులఁ దా నంపివాఁడు చెంతనే రాకుండ గాఁను
అలిగి వుందానఁ దొల్లె అందు కేఁటిదే
కలఁగి ముంగోపమున కానివొట్టు వెట్టుకొంటి
పిలిపించ రాదు నాకు పిన్నదాన నేను
చ. 2: ముంచి లేక లంపినాఁడు మొక్కితి నే నన్నాఁడు
యెంచితే నెంతయినఁ గద్దు యే మందునే
పంచుక యిందరిలోనఁ బంత మెల్ల నాడుకొంటి
అంచల నాకు రారాదు ఆఁటదాన నేను
చ. 3: సంగడిఁ గూచున్నాఁడు చన వెల్ల నిచ్చినాఁడు
యెంగిలిమో వడిగీని యే మందునే
సంగతై శ్రీవెంకటేశ్వరుఁ డిట్టె నన్నుఁ గూడె
చెంగట మెచ్చఁగ రాదు సిగ్గుతోడి నేను