ఈ పుట అచ్చుదిద్దబడ్డది
రేకు: 0339-3 సామంతం సంపుటం: 11-231
పల్లవి: వేవేలు దండాలు నీకు విడరా నన్ను
యీవల నింత లేకున్న యెట్లు దరించేవురా
చ. 1: వాడుఁగన్నుల చూపుల వడి నాపై నొరగేవు
యేడ నేరుచుకొంటివి యేరా నీవు
ఆడికెకు నామీఁద నంత బత్తి గలయట్టె
వీడె మియ్య వచ్చేవు వెరతురా నీకు
చ. 2: నవ్వుల జాణతనాలు నయగారి వినయాలు
యెవ్వతె నేరిపెరా యేరా నీకు
పవ్వళించి యింతలోనె పైఁ గాలు చాఁచేవు
జవ్వని నింత యాఁప దోసమురా నీకు
చ. 3: కామించి కలయు మని కాఁగిటిలో దైన్యములు
యేమి అభ్యసించితవి యేరా నీవు
చే ముంచి శ్రీవెంకటేశ చెలఁగి కూడితి నన్ను
వాముల ని దెల్లా మరవకురా నీవూ
