ఈ పుట అచ్చుదిద్దబడ్డది
రేకు: 0339-2 శంకరాభరణం సంపుటం: 11-230
పల్లవి: ఏఁటి జన్న మెత్తితి నే నిదె నీకు వెగ టైతి
గాఁటపు నీకు గుంటెనకత్తె నైన మేలూ
చ. 1: చూచిన నీ చూపు లివి చుఱుకున నాఁటీ నన్ను
చేచేత నీ కేమి పగ చేసితి నేను
యీ చాయ నాకే వెఱచే వెవ్వతె నాతో నవ్వినా
కాచి గండెదిగు లైతిఁగా నీకు నేను
చ. 2: ఆడిన నీ మాఁట లెల్ల అట్ట లదరించీ నన్ను
కోడెకాఁడ నీకు నెంత కొల యైతినో
వోడక యిందరిచేతా నొడఁబఱపించేవు
యీడ నీకు మోచి దింపై యింతేసి ఱ ట్టైతిఁ గా
చ. 3: నడుమ నీ వలపులు నాకుఁ గాళ్లఁ బెనఁగిని
కడు నీకు నెన్నాళ్ల సంగర మైతినో
యెడయక శ్రీవెంకటేశ నన్నుఁ గూడితివి
బడి బడిఁ గాచుకుండఁ బా లైతిఁగా
