ఈ పుట అచ్చుదిద్దబడ్డది
రేకు: 0339-1 ముఖారి సంపుటం: 11-229
పల్లవి: ఊరకున్నవారితోడ వూ రోప దన్నమాఁట
నేరుచుకొంటి నేను నీ వేమి సేసేవే
చ. 1: చుట్టము లయినవారు సొలసి సాలసి యంత
తిట్టినా యెగ్గు లౌనా తేజమే కాక
వొట్టి నీవు కోపగించి వూరకే యే మనినాను
నట్టనడుమను నాకు నవ్వు వచ్చీనే
చ. 2: చేతికి లో నైనవారు చెనకి యంత మీరినా
ఘాలతలను హీన మౌనా ఘనతే కాక
పోతరించి నీవు నన్ను పూఁచి యేమి సేసినాను
జాతి నా మన సన్నిటా సమ్మతించీనే
చ. 3: కాఁగిఁట గూడినవారు కడుఁ దమకించినాను
మూఁగి వేసట వుట్టునా ముదేమే కాక
యేఁగి వచ్చి శ్రీవెంకటేశుఁడ కూడితి నన్ను
వీఁగని నీ రతు లెల్ల విందు లయ్యీనే
