ఈ పుట అచ్చుదిద్దబడ్డది
రేకు: 0338-6 శుద్దవసంతం సంపుటం: 11-228
పల్లవి: ఎట్టు నమ్మ వచ్చురా యిటువంటి నిన్నును
వట్టి మాయలఁ బెట్టేవు వద్దు వద్దు తలరా
చ. 1: మంచివానివలెనె నా మాటలు వెలచుకొని
యెంచి చూచి నీలోనె యేల నవ్వేవు
చుంచుల నా చుట్టమవో సూడుబంటవో నీవు
అంచల నన్నియు నాయ నప్పటి నంటకురా
చ. 2: వలచినవానివలె వద్దికి రప్పించుకొని
తలఁపు చేకొని జాణతనా లాడేవు
యిల నీ గుణ మిదెయోయింతయు నా భాగ్యమో
కలపుకో లిఁక నేల కంటి నూరకుండరా
చ. 3: బత్తి గలవానివలె పట్టి యాకు మడి వచ్చి
యిత్తల మదన మెత్తించి యెమ్మె చూపేవు
హత్తిన శ్రీవెంకటేశ అట్టె ఫలమో చలమో
చిత్తగించి కూడితివి సిగ్గు లిఁక నేలరా
