ఈ పుట అచ్చుదిద్దబడ్డది
రేకు: 0338-5 వసంతం సంపుటం: 11-227
పల్లవి: గుమితాన రేపు మాపుఁ గోసి రాపించఁగ నేల
సముకాన దాని నన్ను జగడించ విడరా
చ. 1: దుండగాన నాపెచేతఁ దుటారము లాడించేవు
అండకు రావ ద్దంటే నే నట్టే మానవా
చండి పెట్టి యాఁటదాని జవ్వనము గాకు సేసి
కండ గట్టుకొంటేఁ జాలు కా దనేనా నేను
చ. 2: చన విచ్చి యాపె నాతో సరి వోరించఁగ నేల
తనువు నీ కిమ్మన్న దక్క నియ్యనా
మనసు రానివాఁడవు మాతోడి గొడవేల
కొన మాటాడితేఁ జాలు కొసరేనా నేను
చ. 3: యిద్దరిఁ గాఁగిలింపించి యేకము సేయఁగ నేల
అద్దో నీ చెప్పినట్టు సేయక మానేనా
గద్దరి శ్రీవెంకటేశ కమ్మటిఁ గూడితి నన్ను
వొద్ద నీ విట్టే వుంటే వొరసేనా నేను
