ఈ పుట అచ్చుదిద్దబడ్డది
రేకు: 0338-4 సామంతం సంపుటం: 11-226
పల్లవి: నెఱజాణ విన్నిటాను నీ వెఱఁగవా
యెఱిఁగియును పతి నింత యెలయింతురా
చ. 1: చలము సాదించఁ బోతే సతులు లోఁబడుదురా
వలపించి పైకొనవలెఁ గాక
బలిమిఁ బిసుకఁ బోతే పసురు వేసు విరులు
యెలజవ్వనివి నేఁడు యింత నేతురా
చ. 2: రాజసానఁ దిట్టితేను రామలు మరుగుదురా
తేజమున దగ్గరి బోధింతురు గాక
సాజము దప్పఁగ బోతే సరసమే విరస మౌ
వోజతోడి యీపె నింత వుడికింతురా
చ. 3: పంతాలు నెరపఁ బోతే పడఁతులు లోఁగేరా
చెంత రతులఁ గూడి మెచ్చింతురు గాక
యింతలో శ్రీవెంకటేశ యిద్దరు నేక మయితిరి
అంత కంత కొక రొక రలయింతురా