ఈ పుట అచ్చుదిద్దబడ్డది
రేకు: 0338-3 కేదారగౌళ సంపుటం: 11-225
పల్లవి: నీకు బాఁతి గాక ఆకె నేరువులు మాకు బాఁతె
దాకొని యాసుద్ది నీతోఁ దడవ వచ్చితమా
చ. 1: అంత బత్తిగలవాఁడ వాకె నింటికిఁ గొంపోయి
చెంత నెత్తిఁ బెట్టుక పూజించ రాదా
యెంత లే దాపె మాఁటలే యీడఁ జెల్ల బెట్ట వచ్చే
వంతలో సాకిరి నిన్ను నడుగ వచ్చితిమా
చ. 2: మించి నీ వాపెకుఁ గడు మేలువాఁడ వైతేను
యెంచి నీ మేనిలో సగ మియ్య రాదా
మంచి దంటా నాపె నీడ మంతనానఁ బొగడేవు
యించుక కైనాఁ దేగ మియ్యఁగ వచ్చితిమా
చ. 3: తిరముగ నాపెఁ గొని తెచ్చుకొన్నవాఁడ వైతే
యిర వై నీ గద్దెమీఁద నెక్కించ రాదా
వొరిమి శ్రీవెంకటేశ వురముపై నే నుందాన
సిరసు వంచేవు నీకు సిగ్గులు రేఁచితమా
