ఈ పుట అచ్చుదిద్దబడ్డది
రేకు: 0338-2 కాంబోది సంపుటం: 11-224
పల్లవి: ఏమి సేయు మన్నఁ జేసీ యెరపరికము లేల
చే మంచితి నా యడకు శిబ్బితి పడకురా
చ. 1: చేరి నాతో నేమో మాట చెప్ప వచ్చినవాఁడవు
కోరి యంతలోనే గుక్కుకొందురా నీవు
వూరకే మా యింటిదాఁక నొంటి వచ్చినవాఁడవు
పోరచి వై యట్టె మళ్లి పోదురా నీవు
చ. 2: మొదల నాతో నవ్వ మొగ మెత్తినవాఁడవు
వదలి యంతలోఁ దల వంతురా నీవు
పదిమారులు నన్నుఁ దప్పక చూచినవాఁడవు
చెదరి యట్టె పరాకు సేతురా నీవు
చ. 3: యిట్టె నన్నుఁ గాఁగిటిలో యెచ్చరించినవాఁడవు
ఱట్టు కెక్క నీ మేను మఱతురా నీవు
గుట్టున శ్రీవెంకటేశ కూడినట్టివాఁడవు
యిట్టెనై వెనక ముందు లెంతురా నీవు
