ఈ పుట అచ్చుదిద్దబడ్డది
రేకు: 0337-6 నాదరామక్రియ సంపుటం: 11-222
పల్లవి: నీవే నాపై బత్తి యైతే నేఁడి ట్లేంటి కయ్యీ
కావరపు నీ బత్తి కల్ల యేమో కాక
చ. 1: కొప్పు వీడెఁ గదరా కోరి నీవు మొక్కఁగాను
వొప్పుగా నే నీకు మొక్కే దొమ్మదో కాక
దప్పి గొంటిఁ గదరా తగ నీతో నవ్వఁగాను
అప్పటి నీతో నవ్వు లయి రావో కాక
చ. 2: కాలు జారెఁ గదరా కమ్మి నీ కెదురు రాఁగ
తూలుచు నీ తెరువు రా దోసమో కాక
వోలిఁ జెమరించెరా వొగి నిన్నుఁ జూడగాను
తాలిమి నిన్నుఁ జూచేది తగనిదో కాక
చ. 3: కాఁక రేఁగెఁ గదరా కాఁగిట నిన్నుఁ బట్టఁగ
వేఁకపు నీతో రతి వెంగెమో కాక
యేఁకట శ్రీ వెంకటేశ యిత వాయఁ గదరా
మాఁకు పడ మరుఁ డింత మరిపెనో కాక
