ఈ పుట అచ్చుదిద్దబడ్డది
రేకు: 0337-4 సామంతం సంపుటం: 11-220
పల్లవి: ఇంత నేరకున్నవాఁడె యిన్నిటాఁ గూళ
వంతు వా లెంచకుండేవాఁడె జాణ
చ. 1: కూరిమితో నాఁడువారు కోపగించినట్టివేళ
వైరము లేక నవ్వెటివాఁడు వో జాణ
ఆరయ నలుకతోడ నట్టె యంత దిట్టినాను
గారవించి వేడుకొన్నఘనుఁడు వో జాణ
చ. 2: అలిగి ప్రాణేశ్వరి అవ్వలిమో మైనవేళ
వలపుతో బుజ్జగించేవాఁడు వో జాణ
చలి వేఁడి సిగ్గుతోడ సటలకు బిగియఁగా
బలిమి సేసి పైకొన్న పతియ పో జాణ
చ. 3: అల్లప్పుడే రావైతి మని సాదించేవేళ
వల్లె వేసి చెక్కు నొక్కేవాఁడె జాణ
వెల్లవిరి గాఁగ శ్రీవెంకటేశ కూడితివి
చల్లని నీవంటి మంచి సరసుఁడే జాణ