ఈ పుట అచ్చుదిద్దబడ్డది
రేకు: 0337-3 గౌళ సంపుటం: 11-219
పల్లవి: తా నెంత నే నెంత తగునా తాను
తేనె పూసి మాటలను తేలించీఁ దానూ
చ. 1: రమ్మనఁగా తనతో నే రా నంటినా నాకు
అమ్మరో ప్రియము చెప్పీ న దేమె తాను
కమ్మి సారెకు నలుగఁ గడదాననా
చిమ్ముచు నా కిచ్చకాలు సేయ నేలే తానూ
చ. 2: చలమునఁ దన మాఁట జవదాఁటేనా
చెలులచేఁ జెప్పించీ చెల్లఁబో వీఁడు
చలిమి బలిమి నాతో సారెఁ జెల్లదా
వెలి న న్నొడఁబరచీ వెర పేలే తానూ
చ. 3: యితరులవలెఁ దన్ను నెగ్గు లెంచేనా
అతివినయాలు చేసీ నౌనే తాను
యిత వై శ్రీవెంటేశుడిట్టె కూడెను
మతిలోని వెలుతులు మరి యాలే తానూ