ఈ పుట అచ్చుదిద్దబడ్డది
రేకు: 0337-1 శంకరాభరణం సంపుటం: 11-217
పల్లవి: అప్పట నుంటిఁ గోప మాఁప లేను
వొప్పుగ నీవే నాకు వొడఁబఁడ జెప్పరా
చ. 1: మేఁటి వై నీవొక్కఁడవే మేడమీఁద నుండితిని
ఆఁటది మాఁటలాడిని ట్టాయ నందు
యేఁటికి బొంకేవు నాతో యెవ్వతెఁ దెచ్చితి వోరి
నాఁటకుఁడ నా మనసు నమ్మించరా
చ. 2: నిద్దిరించి పానుపుపై నీవే యంటా నుంటి
యిద్దరుఁ బవళించినయిర వున్నది
వద్దురా మరఁగు నాతో వనిత నెందు దాఁచితి
గద్దరీఁడ నాలోని కలఁ కెల్లఁ బాపరా
చ. 3: కాఁగిటిలో నీవు నేనుఁ గలసితి మిద్దరము
రేఁగి నీ మేనిపై వింతరేక లున్నవి
దాఁగ నీ పనులు నేఁడు దక్కితి శ్రీవెంకటేశ
పాఁగినజాణఁడ నాతోఁ బలికి మెప్పించరా
