ఈ పుట అచ్చుదిద్దబడ్డది
రేకు: 0336-5 శంకరాభరణం సంపుటం: 11-215
పల్లవి: చేరి నీకుఁ దగ బుద్ది చెప్పుఁ గాక
వేరొకతె నీచేత వేఁగఁ బోయీనా
చ. 1: అచ్చట నీ వెవ్వతెనో అంటుకొన్నది చాలక
యిచ్చగించి నాతోఁ జెప్ప విది యొకటె
నిచ్చ నేఁ గాఁగానె కాక నీచేత మరొకతె
వచ్చి వెచ్చి రోఁతలఁ బడఁ బోయీనా
చ. 2: కానకుండ వింతసతి గైకొన్నదిఁ గాక నన్ను
దానిపేర బిలిచేవు తగురా నీవు
కానీరా నాకంటె వేరె గయ్యాళి దొక తైతె
వూనిక నీ సుద్దులకు వోరుచు కుండీనా
చ. 3: వీదిఁ బోయేదానితోడ వెస నవ్వుతాఁ గాక
యీదెసకుఁ బిలిచేవు యింత వలెనా
వేద దీర నిను శ్రీవెంకటేశ కూడితిని
ఆదరించి వింతది నీ వాడిన ట్లాడీనా