ఈ పుట అచ్చుదిద్దబడ్డది
రేకు: 0336-4 గుండక్రియ సంపుటం: 11-214
పల్లవి: చీ చీ యిందుకే పో సిగ్గయ్యీ నాకు
యేచి యంతరు మాలిన యీడు జోడు లేలరా
చ. 1: చెప్పిన ట్టెల్లా నేను సేసేఁ గాని యిందరితో
వొప్పగు వరుసవంతు లొల్లరా యింక
యెప్పుడు నీ దీవెనె యిదె నన్ను మన్నించుట
కప్పి వల పెల్ల నొక్కగాడిఁ గట్ట వద్దురా
చ. 2: అంది నీ యా నాజ్ఞలోన నణఁగి వుండేఁ గాని
సందడిలో కొలువులు చాలురా నాకు
ముందు నీవు నావాఁడవె మొక్కేఁ గాని గాజు దెచ్చి
చందపుమాణికముతో సరి సేయ రాకురా
చ. 3: సరుస గూచుండేఁ గాని జంగిలి విడేలలోన
వొరిమెకుఁ జేయి చాఁచ నోపరా నేను
గరిమె శ్రీవెంకటేశ కాఁగిఁట గూడితి విట్టె
పరగఁ దెల్లని వెల్లాఁ బా లంటా నుండకురా
