ఈ పుట అచ్చుదిద్దబడ్డది
రేకు: 0336-3 బౌళి సంపుటం: 11-213
పల్లవి: నే నెంత చిన్న నైనా నీకే సులభము గాని
పూని నా సరివారికిఁ బొడవే సుమ్మీ
చ. 1: యిచ్చకపుపతివి నీ వే మన్నా నితవే నాకు
కొచ్చి కొచ్చి తిట్టినాను కోప మున్నదా
తెచ్చుకొన్న నీసతులు తేనెల మాఁటాడినాను
మచ్చరములై పెరిగి మర్మములు నాఁటురా
చ. 2: నీఁటున బ్రాణవిభుఁడ నీవేమి సేసినా
వాఁటమై మొక్కుదుఁ గాక వాసి వట్టెనా
నాఁటకపు సవతులు నయగారాలు సేసినా
యీఁటెల పోట్లే కాక యింత కోపేనా
చ. 3: చేరి నన్ను నేలినట్టి శ్రీవెంకటేశ నీవు
యేరీతి నుండినాను యెర వున్నదా
సారెకు నీవు ముట్టినసవతులు వద్ద నున్నా
నీరసమె రేఁగుఁగాని యీయకోలు గాదురా