ఈ పుట అచ్చుదిద్దబడ్డది
రేకు: 0336-2 సామంతం సంపుటం: 11-212
పల్లవి: చెల్ల బో యిందుకు నేల చిన్నఁ బోయ్యేవు
అల్లాడ నీ కేమైన నది నే నచ్చేరా
చ. 1: సరి నెందు వొయ్యే వంటే సకినాలు వాటించి
తిరిగి తిరిగి వచ్చి తిట్టే వేరా
అరుదు నీ కింతైతే నందు వోయ్యేపనులకు
వెరవుతోడఁ జేటవేలుపులఁ జూడరా
చ. 2: ఆరగించి పొమ్మంటే నదియునుఁ గాని దంటా
గోర సేసి ఆనవెట్టి కోపగించేవు
ఆరయ నీ మనసుకు ననుమాన మైతేను
పోరచి నీ పొరుగునఁ బోచిళ్ళు చల్లరా
చ. 3: వొగి నీకు మొక్కినాను వొకచోటి కేఁగేవేళ
తగ దంటా నీకు నీవే తప్ప నాడేవు
జిగి నన్నుఁ గూడితివి శ్రీవెంకటేశ యిట్టె
పొగరుల నిఁకఁ బోయి పులుగు నర్చించరా