ఈ పుట అచ్చుదిద్దబడ్డది
రేకు: 0335-6 సామంతం సంపుటం: 11-210
పల్లవి: వినవే యా మాఁట వెలది నీకు నీవె
అనవే నీ నోటనే అందుకు నుత్తరము
చ. 1: పిలిచీఁ గదవె తాను బెట్టుగ సిగ్గు వడఁడు
పిలిచెటిపెద వెందో పిప్పి గట్టెను
కలయు మనీనె కమ్మటిని నన్నును
కలనే తన వురము కాయ గాచె నదివో
చ. 2: నవ్వీఁ గదవె తాను నాతోనుఁ గమ్మటిని
నవ్వెటి తన చెక్కులు నంజు లాయను
పవ్వళించీఁ గదె నా పక్కనె తా నప్పటిని
పవ్వళించే యందె తన పను లెల్లఁ దెలిసే
చ. 3: చేతుల చాచీఁ గదె చేరి నా కాఁగిటికి నా
చేతికి లోనైనవారు చెలులెల్లాను
యీతల శ్రీవెంకటేశుఁ డిప్పు డిట్టె నన్నుఁ గూడె
యీతలాతలిపనులు యెన్ని కాయఁ గదవే