ఈ పుట అచ్చుదిద్దబడ్డది
రేకు: 0335-5 సౌరాష్ట్రం సంపుటం: 11-209
పల్లవి: ఇంతకంటె నాతఁడు మ రేమి సేసునే
యింతులాల రమణుని నేల దూరేరే
చ. 1: కన్నుల మెక్కనె పట్టె కాఁకఁల బెనఁగఁ బట్టె
వెన్నెలనవ్వులు నవ్వ వేళ లేదే
పన్ని నెత్త మాడఁ బట్టె పరాకు నేయనె పట్టె
యిన్నిటా జాణఁడు వాని నేల దూరేరే
చ. 2: సరస మాడఁ బట్టె సంగడిఁ గూచుండఁ బట్టె
విరులు ముడువ నైన వేళ లేదే
కురులు దువ్వనె పట్టెఁ గొలువు సేయనె పట్టె
యిర వెరుఁగు నాతఁడె యేల దూరేరే
చ. 3: చొక్కుచు నుండనె పట్టె సుద్దులు చెప్పనె పట్టె
వెక్క సపురతులకు వేళ లేదే
పక్కన శ్రీవెంకటాద్రిపతి నన్ను నిటు గూడె
నిక్కడ నే విన నోప నేల దూరేరే
