ఈ పుట అచ్చుదిద్దబడ్డది
రేకు: 0335-4 హిందోళం సంపుటం: 11-208
పల్లవి: రమ్మనఁగాఁ దనతోనే రా నంటినా
చిమ్ముచు నింత ప్రియము చెప్ప నేలె నాకు
చ. 1: వెల్లవిరిఁ దనమాఁట విన నైతినా నేను
చెల్లఁబో నా కేల సేవ సేసీని తాను
యెల్లవారిఁ దా నేలీ నెవ్వరిఁ బోలుదు నేను
బల్లిదుఁడు నా కేల బాఁతి పడీఁ దానూ
చ. 2: చెప్పిన ట్టెల్లా నేను సేయకుండేదాననా
అప్పటి లేక లేఁటికి నంపీనె తాను
కప్పురపు పడిగల కాంతలు గాచుకుండఁగా
విప్పుచు నాకుఁగా నేల వేగించేనె తానూ
చ. 3: గక్కనఁ దా గూడఁగాను కాదు గూడ దంటినా
ముక్కు మోవ సాగి లెల మొక్కీనె తాను
యెక్కువ శ్రీవెంకటేశుఁ డెననెఁ దా నన్ను నిట్టె
పెక్కు సతులతోననె పెద్ద సేసీఁ దాను