ఈ పుట అచ్చుదిద్దబడ్డది
రేకు: 0335-3 శంకరాభరణం సంపుటం: 11-207
పల్లవి: ఆడనె ఆకెచే వెంగె మాడించుకోవయ్య
తోడనె నీ సుద్ది విన దోస మయ్యా
చ. 1: చిత్తము రా కొకమాట చిత్తము వ చ్చొకమాఁట
వొత్త నీతో నాడ నే నోప నయ్యా
హత్తిన ఆకెకు నీకే అలవాటు గాని మాకుఁ
దత్తరించి యింత నేయం దగ దయ్యా
చ. 2: కూడినప్పు డొకచూపు కూడనప్పు డొకచూపు
యీడా నాడా రెండూ నెరఁగ మయ్యా
యేడో ఆకెకు నీకు యే మన్న నమరుఁ గాని
వీడుపడ నింత నేయ వెరతు మయ్యా
చ. 3: సంతసించి వొకనవ్వు సంతంసించ కొకనవ్వు
మంతు కెక్కి తొల్లె యివి మానితి మయ్యా
చెంతలఁ గూడితి నన్ను శ్రీవెంకటేశ యాకె
పంత మాడుఁ గాని మాకుఁ బాడి గా దయ్యా
