ఈ పుట అచ్చుదిద్దబడ్డది
రేకు: 0335-2 ఆహిరి సంపుటం: 11-206
పల్లవి: ఒత్తి నీవు దగ్గరితే నొద్దనదు సతి నిన్ను
చిత్త మెరఁగక గుట్టు సేసిఁ గాని
చ. 1: నిలువెల్లఁ బులకలే నిన్నుఁ జూచేప్పటనుండి
కలికి పయ్యద నట్టె కప్పీఁ గాని
తలఁ పెల్లఁ దమకమే తనకు నీ విటుపై పైఁ
బిలువఁగా నూరకె బిగిసీఁ గాని
చ. 2: వెలియల్ల చింతలే మినుకలి నాటనుండి
తల వంచి నీకుఁ గొంత దాఁచీఁ గాని
పలు కెల్ల దైన్యమే పడఁతి నియ్యెడకు
చలి వేఁడి రాజసాలు జరపీఁ గాని
చ. 3: వయ సెల్ల వలపులే వనిత నిన్నటనుండి
నయము సేసుక నీతో నవ్వీఁ గాని
క్రియ యెరిఁగి కూడితి కెలన శ్రీవెంకటేశ
జయ మందెఁ జెలి నీతో సరసము గాని
