ఈ పుట అచ్చుదిద్దబడ్డది
రేకు: 0335-1 దేసాక్షి సంపుటం: 11-205
పల్లవి: ఇద్దరి జాడలూఁ గంటి మిప్పుడే నేము
ముద్దులు మోవులు మీలో మోఁపి గొణఁగితిరి
చ. 1: మంతనాన నోతోడ మాటలాడేవేళ
యింతి బొమ్మముడి వెట్టి నేఁటికో కాని
చెంతల నందుకుఁ గానె చెప్పరాని తిట్టు దిట్టి
అంతలోఁ గాఁగిలించితి వౌ నయ్య నీవు
చ. 2: ఆరజాన నాపె నీకు ఆకు మడి చిచ్చి యిచ్చి
యీరసానఁ గోపగించె నేఁటికో కాని
చేరి నీ వందుకు గానె చేయి వట్టి తోసుకొని
కూరిమి తొడపై నిడుకొంటివయ్య నీవు
చ. 3: మంచముపై నుండి యాకె మలగుపై నొరగుతా
యించుకంత గోర నూఁదె నేఁటికో కాని
చంచుల శ్రీవెంకటేశ సన్నెరిఁగి కూడితివి
మించిన మీ నేరుపులు మే లయ్య నేఁడు
